ກະເປົາເດີນທາງ ແລະ ຄ່າບໍລິການເພີ່ມ

      ສຳລັບຜູ້ໂດຍສານທົ່ວໄປທີ່ຕ້ອງການ ຖືກະເປົ໋າຕິດໂຕຂື້ນເທິງເຮືອບິນຕ້ອງມີນໍ້າໝັກບໍ່ເກີນ 7 ກິໂລ, ແລະ ມີຂະໜາດບໍ່ເກີນ 115 ຊັງຕີແມັດ (30 ຊ.ມ X 60 ຊ.ມ X 18 ຊ.ມ) ຫຼື ທຽບເທົ່າ (12 ນິ້ວ x 24 ນິ້ວ x 7 ນິ້ວ). ຖ້ານໍ້າໜັກ ຫຼື ຂະໜາດເກີນ ແມ່ນຈະໃຫ້ຜູ້ໂດຍສານໂຫຼດກະເປົາລົງກ້ອງເຮືອບິນ, ກະເປົາເດີນທາງຂອງຜູ້ໂດຍສານ ສາມາດບັນຈຸນໍ້າໜັກ 20 ກິໂລ ຕໍ່ໜຶ່ງທ່ານໃນກໍລະນີ ກະເປົາເດີນທາງຂອງຜູ້ໂດຍສານນໍ້າເກີນ 20 ກິໂລ ທາງສາຍການບິນລ້ານຊ້າສາກົນ ຈະມີການຄິດໄລເພີ່ມເປັນກິໂລ, 1 ກິໂລ/50,000ກິບ.

ລາຍການເຄື່ອງສໍາພາລະທີ່ສາມາດພົກຕິດໂຕຂື້ນເຮືອບິນໄດ້

       1. ຂອງເເຫຼວ, ເຄື່ອງດື່ມ, ເຈວ, ເຄື່ອງສໍາອາງທີ່ເປັນຂອງເຫຼວ ຕ້ອງບັນຈຸບໍ່ເກີນ 100 ML.

       2. ອາຫານແອນ້ອຍທີ່ຈໍາເປັນ.

       3. ຢາປະຈໍາຕົວຂອງຜູ້ໂດຍສານ ໃນປະລິມານທີ່ເໝາະສົມໃນການເດີນທາງ ເຊັ່ນ: ຢາແກ້ແພ້, ຢາປົ່ວໂລກເບົາຫວານ.

       4. ເສື້ອຜ້າ, ໝອນຮອງຄໍ, ຜ້າຫົ່ມຂະໜາດນ້ອຍ.

       5. ໜັງສື່ສໍາລັບການອ່ານ.

       6. ເຄື່ອງສື່ສານອີເລັກໂທນີກ ເຊັ່ນ: ໄອແພັດ, ຄອມພີວເຕີ້, ໂທລະສັບມືຖື ແລະ ອື່ນໆ.

ລາຍການເຄື່ອງທີ່ຕ້ອງຫ້າມ

       1. ວັດຖຸໄວໄຟ ເຊັ່ນ: ກັບໄຟ, ບັ້ງແກັດພົກພາຂະໜາດນ້ອຍ, ກະປ໋ອງສະເປ, ບັ້ງອົກຊີ່.

       2. ອາວຸດ ຫຼື ສິ່ງຂອງມີຄົມ ເຊັ່ນ: ປືນ, ລະເບີດ, ມີດ, ໝາກກະໂພກ, ບັ້ງໄຟດອກ.

       3. ສານເຄມີທີ່ເປັນພິດ ເຊັ່ນ: ສານເບືອສັດ, ຢາຂ້າແມງໄມ້, ຢາກໍາຈັດພືດຕ່າງໆ.

       4. ປະເພດອາຫານ ແລະ ໝາກໄມ້ ທີ່ມີກິ່ນແຮງ ເຊັ່ນ: ໝາກມີ້, ໝາກຖົ່ວລຽນ, ປາແດກເປັນຕົ້ນ.

       5. ວັດຖຸທີ່ເປັນແມ່ເຫຼັກ.

       6. ສິ່ງຂອງຜິດກົດໝາຍເຊັ່ນ: ຢາສູບໄຟຟ້າ, ເຮໂລອີນ, ກັນຊາ ແລະ ອື່ນໆ.

ຂໍ້ຈໍາກັດ ແລະ ການປະຕິເສດຄວາມຮັບຜິດຊອບກະເປົາເດີນທາງຂອງຜູ້ໂດຍສານ

       ສາຍການບິນລ້ານຊ້າງສາກົນຈະບໍ່ຮັບຜິດຊອບຊົດເຊີຍຄວາມເສຍເຫຍຕໍ່ກະເປົາເດີນທາງຂອງຜູ້ໂດຍສານທີ່ເສຍຫາຍຢູ່ນອກເຂດຮັບຜິດຊອບ.