ຄວາມເປັນມາ

ສາຍການບິນ ລ້ານຊ້າງ ສາກົນ ແມ່ນເລີ່ມຕົ້ນມາຈາກ ບໍລິສັດ ລ້ານຊ້າງ ເອວິເອເຊິນເຊີວິດ ຈໍາກັດ ເປັນວິສາຫະກິດເອກະຊົນ ເຊິ່ງໄດ້ເລີ່ມຕົ້ນເຄື່ອນໄຫວ ແລະ ດຳເນີນທຸລະກິດດ້ານການບິນ ໂດຍສະເພາະແມ່ນທຸລະກິດໃຫ້ບໍລິການຈອງບ່ອນ-ຂາຍປີ້ເຮືອບິນ ບໍລິການເຊົ່າຖ້ຽວບິນເໝົາລໍາ ຕັ້ງແຕ່ປີ 2021 ຈົນມາເຖິງປັດຈຸບັນ ສາຍການບິນ ລ້ານຊ້າງ ສາກົນ ປຽບເຫມືອນສາຍການບິນໃຫມ່ທີ່ມີຈຸດມຸ່ງໝາຍພັດທະ ນາອຸດສາຫະກໍາການບິນ ແລະ ການບໍລິການການບິນຢູ່ ສປປ ລາວ ໃຫ້ເປັນອີກທາງເລືອກໜຶ່ງສຳລັບປະຊາຊົນລາວ ດ້ວຍຮູບແບບການບໍລິ ການລູກຄ້າທີ່ທັນສະໄໝ ສະດວກ ວ່ອງໄວ ແລະ ປອດໄພ ໃນການເດີນທາງທາງອາກາດ ທີ່ມີເອກະລັກຂອງຄວາມເປັນລາວທີ່ທັນສະໄໝ ກ້າວໄປສູ່ສາກົນ ພາຍໃຕ້ຄຳຂວັນ “ສະເໜ່ແຫ່ງຄວາມເປັນລາວ”.

ສາຍການບິນ ລ້ານຊ້າງ ສາກົນ ເປັນສາຍການບິນທີ່ບໍລິການເຕັມຮູບແບບ (Full Service). ພວກເຮົາຍຶດໝັ້ນມາດຕະຖານຄວາມປອດໄພລະດັບສາກົນ ແລະ ພ້ອມທີ່ຈະມອບຄວາມສະດວກສະບາຍ ດ້ວຍການບໍລິການແບບມືອາຊີບ ເພື່ອນຳພາທ່ານເດີນທາງສູ່ຈຸດໝາຍປາຍທາງດ້ວຍຄວາມປະທັບໃຈ.

ວິໄສທັດ

ພວກເຮົາອຸທິດຕົນເພື່ອສ້າງສາຍການບິນ ແລະ ໃຫ້ການບໍລິການຖ້ຽວບິນແບບເຕັມຮູບແບບ ເພື່ອສະໜອງຄວາມຮຽກຮ້ອງຕ້ອງການຂອງລູກ ຄ້າທັງພາຍໃນ ແລະ ຕ່າງປະເທດ ໂດຍຢຶດຖືການບໍລິການລູກຄ້າດ້ວຍຄວາມເປັນມືອາຊີບຂອງຄົນລາວ ຮັກສາຄຸນ ນະພາບຕາມມາດ ຕະຖານສາກົນ ຕາມວິໄສທັດຂອງພວກເຮົາ ອີກໜຶ່ງຄວາມພາກພູມ ໃຈຂອງຄົນລາວ ແລະ ເປັນທາງເລືອກອັນໜຶ່ງໃຫ້ແກ່ຜູ້ໂດຍສານ ທີ່ສາກົນຍອມຮັບ ອີກທັງເປັນສ່ວນໜຶ່ງຂອງອຸດສາຫະກຳສາຍການບິນໃນ ສປປ ລາວ ທີ່ມີຊື່ສຽງ.